Berba bi alardeko parte hartzaileoi: zorionak eta eskerrik asko!

Zorionak! Dena bikain irten delako eta gerturatutako ikusleek, bai herritarrek, bai kanpotarrek, gure herriko ondare kultural eta folkloriko garrantzitsuaz gozatzeko aukera izan dutelako.

Eskerrik asko parte hartzaile guztioi, jaietako zapatuan, askorentzat ahalegina delako horrelako ekitaldian parte hartzea. Mila esker, bai atzean lanean jardun duzuenoi (jantzi arduradunak, makillatzaileak, luntx prestatzaileak, eskopeta eta kanoien arduradunak, argazkilariak…), bai alardean modu zuzenean jendaurrean irten zareten guztioi.

Joseba Iparragirre uztailaren 15ean, zapatuan, irten zen buruzagi moduan azken aldiz alardean.
Josebak bere zeregina lasai utzi du, hurrengo buruzagia badagoelako: Lander Dominguez.
2009tik, alardea berritu zenetik, eskopetero ibili dena, datozen urteetan alardearen ordezkari gorena izango dugu.
Aupa, Lander!

Argazkian:
Jose Luis Kortabarria. Buruzagia,  1975-1999.
Joseba Iparragirre. 2000- 2017.
Lander Dominguez. Hurrengo buruzagia.

Aurtengo alardean 10 danborjole gazte berri irten dira, ekitaldia grabatu dugu, mairuaren musikoek arropa estreinatu dute, Oinarin Dantza Taldeak ezpatak, kanoietan berriz bolbora erabili dugu; baina protagonista nagusia Joseba Iparragirre izan da.
Merezitako omenaldia jaso zuen Josebak: Xabier Legorburuk Alarde elkartearen izenean aginte makila eman zion eta Beñardo Kortabarria alkateak udalaren izenean herriko gutuna eta bandera eman zizkion.
Mila esker buruzagi, 18 urte hauengatik! Biba zu!

Joseba Iparragirrek aurten hitz egingo die azken aldiz antzuolarrei zaldi gainetik, Antzuolako konpainiaren buruzagi moduan. Gehiago irakurri →

Uztailak 3, astelehena
Danborjoleak Tzeitelekin, 18:30ean, Udaletxean.
Gehiago irakurri →